Morgunfundur Elvo
Um miðjan mars héldum við okkar fyrsta morgunfund þar sem yfir 60 stjórnendur komu saman og ræddu þjónustu í daglegum rekstri.
Fjórir frábærir leiðtogar úr íslensku atvinnulífi héldu fróðleg erindi og deildu sinni ólíku reynslu um þjónustu. Það var samhljómur í gestum að markmiðið sé að ná utan um einfaldari hluti tengt þjónustu, svara hraðar, missa ekki af fyrirspurnum og vita hver á boltann.
Fundurinn heppnaðist virkilega vel og munum við halda áfram að leggja okkar að mörkum til þess að skapa þennan vettvang fyrir stjórnendur í þjónustu.
Ljósmyndir frá fundinum.
Myndband sem við settum saman af fundi.
Tengingar við Abler, Shopify og CRM kerfi
Við höfum lagt mikla áherslu á að tengja Elvo við lykilkerfi fyrirtækja, þannig að þjónustan byggi á raunverulegum gögnum og upplýsingum um viðskiptavini sem eru að hafa samband. Þetta þýðir að starfsfólk þarf ekki lengur að hoppa á milli kerfa til að finna réttu upplýsingarnar. Þær eru aðgengilegar á sama stað og fyrirspurnin kemur inn, sem sparar tíma og minnkar líkur á mistökum.
Rauntímagögn um bókanir og viðskiptastöðu
Með beinni tengingu við Abler fær starfsfólk tafarlausan aðgang að stöðu bókana og þjónustu viðskiptavina. Þetta gerir svör nákvæmari og hraðari, þar sem allar lykilupplýsingar eru tiltækar á sama stað og fyrirspurnin kemur inn.
Heildarsamhengi um viðskiptavininn
Með CRM tengingum fær Elvo dýpri innsýn í viðskiptavininn með fyrri samskiptum, stöðu mála og viðskiptasögu. Þetta skapar persónulegri og markvissari þjónustu, þar sem hvert svar byggir á heildarmynd en ekki stökum upplýsingum.
Full yfirsýn yfir pantanir og viðskipti
Tenging við Shopify og WooCommerce gerir Elvo að miðpunkti fyrir allar upplýsingar um pantanir, afhendingar og viðskiptasögu.
Teymisvinna og ábyrgð
Við höfum lagt mikla áherslu á að einfalda hvernig teymi vinna saman í þjónustu í Elvo.
Hjá mörgum fyrirtækjum eru fyrirspurnir að koma inn á mismunandi stöðum og detta oft á milli. Það verður óljóst hver á að svara, hvað er búið að afgreiða og hvað er enn óunnið.
Í Elvo er þetta sett upp þannig að allar fyrirspurnir rata á rétt teymi frá upphafi. Hvert teymi hefur sína eigin rásir, sinn aðgang og skýra ábyrgð á málum.
Inn í hverju máli geta teymi átt innri samskipti, úthlutað málum á einstaklinga og fylgst með stöðunni í rauntíma. Það sést strax hvað er óunnið, hvað er í vinnslu og hvað er klárað.
Markmiðið með þessu er einfaldlega að ekkert detti á milli og allir viti alltaf hver á boltann.
Hvar liggur raunverulega vandamálið í þjónustu?
Það er mikið talað um gervigreind í þjónustu þessa dagana. En í raun er vandamálið sjaldnast skortur á tækni.
Flest fyrirtæki eru ekki að glíma við að „svara vitlaust“, þau eru að glíma við að missa yfirsýn. Fyrirspurnir koma úr mörgum áttum, ábyrgð er óljós og tíminn fer í að finna upplýsingar frekar en að hjálpa viðskiptavinum. Gervigreind getur hjálpað til við að skrifa svör og vinna hraðar. En hún leysir ekki grunnvandann ein og sér.
Raunveruleg framþróun í þjónustu gerist þegar yfirsýn, ábyrgð og gögn eru á réttum stað og gervigreind er notuð til að styðja við manneskjuna, ekki taka yfir.
Það er þar sem við sjáum stærsta tækifærið liggja í dag.
