Hjá íslenskum fyrirtækjum sjáum við gjarnan ákveðið mynstur þar sem viljinn til að veita góða þjónustu er sannarlega til staðar, en samtölin reynast dreifðari en kerfin sem eiga að halda utan um þau. Þegar fyrirspurnir berast á sameiginleg netföng, samfélagsmiðla og í persónuleg vinnupósthólf samtímis, verður vinnan við að halda utan um þau flóknari en spurningarnar sjálfar.
Við hönnuðum Elvo til að sameina þessa þræði og gera fyrirtækjum kleift að stýra öllum samskiptum á einum stað. Hér eru helstu nýjungarnar sem við höfum kynnt að undanförnu.
Hvar liggur boltinn í þjónustunni?
Ný Microsoft 365 samþætting
Nú getur þú tengt pósthólf fyrirtækisins við Elvo á örfáum sekúndum án flókinnar uppsetningar. Allur póstur streymir inn í rauntíma og svör sem þú sendir úr Elvo birtast sjálfkrafa í "sent“ möppunni í Outlook. Þannig tapast aldrei samhengi samtalsins, óháð því hvaða tól þú notar hverju sinni.
Persónulegir vinnureikningar í Elvo
Mörg mikilvægustu samtölin eiga sér stað á persónulegum netföngum starfsmanna fremur en á sameiginlegum pósthólfum. Með því að hleypa persónulegum vinnunetföngum inn í Elvo getur teymið þitt notað athugasemdir, merkingar og úthlutun á alla pósta, án þess að þurfa að senda pósta fram og til baka.
Öflugri reglugerðarvél
Við höfum hækkað flugið í sjálfvirkni og endurhannað viðmótið til að einfalda alla umsýslu. Nú er leikur einn að setja upp flóknari reglur sem sjálfvirknivæða verkefni á borð við að flokka mál, úthluta erindum á rétta staði eða senda sjálfvirk svör byggt á innihaldi póstsins.
Sameina hvaða erindi sem er
Það er óskilvirkt þegar tveir starfsmenn vinna óafvitandi í sama málinu vegna þess að viðskiptavinurinn sendi fleiri en einn póst um sama hlutinn. Nú getur þú sameinað mörg erindi í eina þráðbeina sögu með einum smelli, þar sem allar athugasemdir og viðhengi færast á einn stað.
Hraðari vinnubrögð með hægri-smelli
Fyrir þá sem nota Elvo mikið á hverjum degi skiptir hver hreyfing máli. Við höfum bætt við nýrri hægri-smellivalmynd sem leyfir þér að úthluta máli, breyta stöðu eða bæta við merkingum á leifturhraða, án þess að þurfa að opna málið sjálft.
Yfirsýn er lykillinn að vinnufriði
Þegar öllu er á botninn hvolft er raunverulega vandamálið sjaldnast magnið af tölvupósti sem flæðir inn, heldur skorturinn á skýrri yfirsýn. Það er óvissan um hver eigi að gera hvað sem þreytir okkur, ekki vinnan sjálf.
Þegar kerfið og ferlarnir tryggja að allir viti nákvæmlega hver á boltann og hvar hvert samtal stendur, gerist dálítið magnað: Stressið minnkar og vinnufriðurinn eykst. Með því að losa dýrmæta orku úr því að elta póst og spyrjast fyrir innanhúss, skapast loksins það svigrúm sem teymið þarf til að einbeita sér að því sem raunverulega skiptir máli – að veita viðskiptavininum framúrskarandi þjónustu.