Svarglugginn

Þegar þú svarar máli opnast svarglugginn inni í samtalinu. Þaðan svarar þú viðskiptavininum og nýtir öll verkfærin: textasnið, gervigreind, viðhengi og fleira. Neðst í hverju máli er auk þess alltaf athugasemdareiturinn — fljótleg leið til að skrifa innri minnispunkt eða spjalla við teymið án þess að viðskiptavinurinn sjái.

12

1. 1Svarglugginn — hér semur þú svar til viðskiptavinarins. Opnast inni í samtalinu þegar þú smellir á Svara (eða ýtir á R).
2. 2Athugasemdareiturinn — fljótlegi reiturinn neðst til að skrifa innri minnispunkt eða spjalla við teymið. Viðskiptavinurinn sér hann aldrei.

Svar eða athugasemd

Það eru tvær leiðir til að skrifa í máli — á tveimur ólíkum stöðum:

• Svar — skrifað í svarglugganum og fer til viðskiptavinarins á þeirri rás sem málið barst á.
• Athugasemd — skrifuð í athugasemdareitnum neðst; innri minnispunktur sem aðeins samstarfsfólk sér.

Í svarglugganum sjálfum geturðu svo valið Svara, Svara öllum eða Áframsenda (fyrir tölvupóst) með fellilistanum við „Til“.

Viðtakendur og efni

Í tölvupósti stýrir þú viðtakendum og efnislínu beint í „Til“-röðinni:

• Cc og Bcc — smelltu á hnappinn til að bæta við viðtakendum í afriti (Cc) eða huldu afriti (Bcc).
• Efni — smelltu á Efni til að breyta efnislínu svarsins.

Sérgluggi

Smelltu á táknið Opna í sérglugga (efst til hægri í svarglugganum) til að færa svarið yfir í sinn eigin glugga. Þá geturðu haldið áfram að skrifa á meðan þú flettir í gegnum önnur mál eða vinnur annars staðar í Elvo. Á meðan svarið er opið í sérglugga læsist svarglugginn inni í málinu og sýnir hver er að skrifa — smelltu á Fókusa á glugga til að fara aftur þangað.

Samvinna í rauntíma

Þið getið unnið saman í málum án árekstra. Ef samstarfsmaður er þegar að skrifa svar í sama máli sýnir svarglugginn „[nafn] er að skrifa…“ og læsist svo þú yfirskrifir ekki textann hans. Glugginn losnar aftur þegar hann hættir. Sama gildir þegar svarið er opið í sérglugga.

Sniðstikan (textasnið)

Kveiktu á sniðstikunni til að forma textann. Hún inniheldur:

• Stíll — fyrirsagnir og málsgreinar.
• Feitletur, skáletur, undirstrikun og yfirstrikun.
• Áherslulitur (highlight).
• Punktalisti og númeraður listi.
• Tengill — settu hlekk á valinn texta.

AI-stikan (gervigreindaraðstoð)

Kveiktu á AI-stikunni til að láta gervigreindina hjálpa þér með svarið:

• AI-drög — semur drög að svari út frá þekkingargrunninum.
• Endurskrifa — umorðar það sem þú hefur skrifað.
• Yfirlestur — lagfærir stafsetningu og málfar.
• Tónn — stillir tóninn (t.d. formlegur eða vinalegur).
• Þýða — þýðir svarið á annað tungumál.
• Hreinsa — snyrtir og einfaldar textann.
• Sérsniðin fyrirmæli — sláðu inn þína eigin leiðbeiningu (t.d. „styttu þetta um helming“).

Gervigreindin sýnir upprunalega textann við hlið niðurstöðunnar svo þú getir borið saman, og þú smellir á Nota til að samþykkja — eða hunsar. Ekkert er sent fyrr en þú sendir sjálf/ur.

Viðhengi

• Festa skrá (📎) eða mynd — veldu af tölvunni.
• Draga og sleppa — slepptu skrám beint á svargluggann.
• Of stór viðhengi — séu þau yfir hámarki býður Elvo að senda þau sem niðurhalstengil í staðinn (og þú getur afturkallað það).

Stöðluð svör og undirskrift

• Stöðluð svör — settu inn vistað svar; þú getur sett það inn, bætt við eða skipt út núverandi texta. Sjá Stöðluð svör.
• Undirskrift — bætist sjálfkrafa neðst; þú getur opnað hana til að skoða eða laga. Sjá Undirskriftir.

Sendandi

Veldu frá hvaða netfangi svarið fer — persónuleg eða sameiginleg netföng sem þú hefur aðgang að. Sjálfgefið er netfangið sem málið barst á.

Tímasetja sendingu

Í stað þess að senda strax geturðu sent síðar: eftir klukkutíma, eftir fjóra tíma, á morgun kl. 9, eða á sérsniðnum tíma. Þú getur líka hreinsað tímasetninguna.

Senda

Smelltu á Senda (⌘↵). Undir fleiri sendingarvalkostum finnurðu m.a. að senda og loka málinu í einu lagi. Viltu byrja upp á nýtt? Smelltu á ruslafötuna til að eyða drögunum. Sjá fleiri flýtilykla.

Vitna í skilaboð

Þegar þú svarar viðskiptavini í tölvupósti fylgja fyrri skilaboð sjálfkrafa með sem tilvitnun (móttakandinn getur opnað eða falið hana). Í innri athugasemdum og teymisspjalli geturðu vitnað í tiltekin skilaboð: farðu yfir skilaboðin og smelltu á svar-táknið — þá birtast þau sem tilvitnun efst í svarinu þínu.

Innri athugasemdir nánar

Í athugasemdaham hefurðu sömu verkfæri (viðhengi, emoji) auk @-nefninga:

• Nefna einstakling — @nafn sendir honum tilkynningu og dregur hann inn í málið.
• Nefna allt teymið — láttu allt teymið vita í einu.

Viðskiptavinurinn sér aldrei athugasemdir. Sjá nánar í Svara viðskiptavinum.